CLXXXIV.

1343, Juni 16. Schweidnitz.

Bolko, Herzog von Schlesien und Herr in Fürstenberg und Schweidnitz, erlaubt den Klosterbrüdern ihr Allod in Gohlitsch zu veräussern.

In nomine domini amen. Quoniam magnificentiam principum plurimum exornat profectibus religiosorum virorum liberaliter providere, hinc est, quod nos Bolko dei gratia dux Slezie, dominus in Fürstenberg et in Sweidnicz, presentibus recognoscimus et fatemur, quod consti­tutus in nostra presentia, religiosus vir, dominus Sigishardus, abbas monasterii de Kamencz, una cum aliquibus senioribus fratribus suis, oppresionem multorum debitorum ac usurarum pretendens pro licentia nostra, et assensu vendendi, locandi seu exponendi allodium suum dictum Golschicz ad villam, nobis humiliter ac devote supplicavit. Nos vero ex speciale favore et affectu, quem ad eundem dominum abbatem et conventum suum sincere gerimus eorum utilitati ac peticioni semper satisfacere cupientes ac favorabiliter providere, damus et concedimus predicto domino abbati et suo monasterio nostram licenciam et assensum liberaliter, quod pro exsolvendis debitis suis et usuris, dictum allodium cum agris et ortis ad ipsum pertinentibus vendere, locare, exponere et assignare ad placitum suum et utilitatem possit et valeat, liberum ab omnibus exa­ctionibus consuetis et inconsuetie, necnon defectibus monete, angariis et perangariis, precariis et stationibus, quod vulgariter "loger" dicitur, quibuscunque ducalibus, necnon liberum de servicio equi cum iudicio et universaliter cum omni iure et dominio, quemadmodum in privilegiis et instrumentis felicis recordacionis patris nostri ducis Bernhardi et nostris datis desuper et conscriptis plenius continetur, promittentes, bona nostra cum sincera fide in hac libertate possessores predictorum agrorum et ortorum in Golschicz conservare plenius et fovere, precipientes universis et singulis offi­cialibus nostris, procuratoribus, nunctiis et iudicibus firmiter et precise, ut nullus contra hanc donationem, concessionem, exemptionem, remissionem seu libertatem nostram prescriptam posses­sores seu colones prerecolitorum agrorum et ortorum aliqualiter gravare seu molestare audeat vel presumat, sicuti nostram graciam et favorem conservare cupiunt ac indignationem et animadversionem voluerint evitare. In cuius rei testimonium et robur perpetue firmitatis presentes fieri iussimus appensiones (!) nostri maioris sigilli munimine roboratas. Actum et datum Sweydnicz feria secunda post diem Viti et Modesti martirum beatorum, anno domini M°. CCC°. XLIII°. presentibus nostris fidelibus: Rekelone de Czirna, Sandcone de Cirla, Wenuntkint de Czirna, Ruperto de Czeyskberg militibus; Peczkone Eyken iudice curie nostre et Cunczelino nostro pro­thonotario, qui presentia a nobis habuit in commisso.

Nach einer Abschrift aus dem 15. Jahrhunderte auf einem Papierblatte (wahrscheinlich Fragment eines Copialbuches) im Staatsarchive.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.